Saturday, August 4, 2007

اسم على مسمى

في واحد من ميكروباصات مدينة المحلة
ركبت جنب السواق
ببص على التابلوه لقيت الاعلان ده
وهوا عن مركز حنطور للتصوير بالفيديو

طبعا اسم جميل جدا
اسم على مسمى صحيح
النهاردة حنطور للتصوير بالفيديو بكرة نلاقي

شركة الجاموسة لاجهزة الكمبيوتر المتطورة
والبغل للتقنية النووية والذرية
وعمار يا مصر

Friday, May 25, 2007

انتى فى مصر يا عبلة



يبقى انتا اكيد ..اكيد في مصر
شوفو الصور دى
::
شارع فى محافظة من محافظات مصر
محطوط على اوله يافطة ممنوع الدخول
..
لكن ازاااااااااى بقى؟؟
فى الصورة اللى بعدها شايفين عربية داخلة من الشارع
..
على فكرة
عشان اصور الصورة دى
الاول شفت مكتوب ممنوع الدخول قلت اكييييييد فى عربية هتدخل
وقفت شوية مفيش عربيات دخلت
استغربت اوى
قلت ايه دا
الناس بقو بيحترمو قواعد المرور
((استغفر الله العظيم ))
و انا لسه جاي امشي لقيت عربية داخلة الشارع
شتمت نفسي ميت مرة .
المهم
جيت اليوم اللى بعديه قلت لازم اصور بقى عربية و هيا داخلة الشارع دا
و فعلا لقيت عربية داخلة الشارع
اسيبكو مع الصورتين



وتذكر عزيزي المواطن

انتا دائما في القلب

Friday, April 20, 2007

صحيح ورانــــــــا ايه ؟؟؟



فى اول بوست فى المدونة هنشوف مع بعض صورة لاعلان لشبكة موبينيل .. شبكة المحمول الأولى فى مصر


و الاعلان موجود جمب جامعة المنصورة الموجودة فى مدينة المنصورة طبعا


و الاعلان دا لسه محطوط قريب اوى يعنى تقريبا اسبوع كدة و هوا متاخد من الاغنية اللى بنشوفها


بتاعة ورانا ايه ورانا ايه


الاعلان دا بقى كان فيه صورة لطنط مى سليم و هيا واقفة كدة زى واقفة المعلم و بتقولك


تعالى نتكلم ورانا ايه ورانا ايه


المهم بعد كام يوم كدة و انا راجع من الكلية لقيت الصورة اتشوهت كدة زى ما انتو شايفين


قلت اصورها


عايز كل واحد يشوف الصورة يعلق على اللى حصل دا و نشوف دا كان صح ولا غلط




بيكســـــــــــــــــــاوى



فى الاول مدونة بيكساوى هتبقى عبارة عن مدونة للصور المميزة


صور من حياتنا , صور من الواقع , صور بتعبر عن بلدنا و عن شعبنا


بتعبر عن مميزات بلدنا فى بعض الاحيان و بتعبر عن مساوئ بلدنا بردة


طبعا هتكون الصور دى من تصويرنا


وكل صورة من الصور دي هتعبر عن كلام كبير اوي اوي جوانا


واكيد مش هدفنا الاساءة لسمعة مصر ابدا ابدا


بسم الله الرحمن الرحيم ... نبدأ