فى اول بوست فى المدونة هنشوف مع بعض صورة لاعلان لشبكة موبينيل .. شبكة المحمول الأولى فى مصر
و الاعلان موجود جمب جامعة المنصورة الموجودة فى مدينة المنصورة طبعا
و الاعلان دا لسه محطوط قريب اوى يعنى تقريبا اسبوع كدة و هوا متاخد من الاغنية اللى بنشوفها
بتاعة ورانا ايه ورانا ايه
الاعلان دا بقى كان فيه صورة لطنط مى سليم و هيا واقفة كدة زى واقفة المعلم و بتقولك
تعالى نتكلم ورانا ايه ورانا ايه
المهم بعد كام يوم كدة و انا راجع من الكلية لقيت الصورة اتشوهت كدة زى ما انتو شايفين
قلت اصورها
31 comments:
ههههههه انبوبة جاز ولعت في وشها !!!
لأ بجد لا شباب بيهرج لجماعات دعويه
تحياتي
اكيد جماعات دعوية
رجالة والله اللي عملو كده
بجد بجد
اشطة يا عمر
الحكاية دي فعلا بتخليني افكر فيها كتير..
طيب كل الناس عارفة مين اللي عمل كده وليه..
انما يا تري هو غلطان؟
و لا اللي غلطان هو اللي عمل اعلانات فيها فتنة ونسوان عريانة..
و بالمناسبة الاعلان ده مافيهوش حاجة خالص انما في اعلانات تانية بيبقي فيها بلاوي..
طيب هو من حقه انه يشخبط علي حاجات مش بتاعته بحجه انها حرام او غيره؟
طيب ما هما برض مش من حقهم انهم يجبروني اشوف حاجات انا مش عايز اشوفها..
الحقيقة ان انا مش عارف الحقيقة
بس هو موضوع فعلا محير
تحياتي
بص يا جماعه هوا الموضوع شائك
كون ان دى تبقى طريقه لاصلاح المجتمع
فده شىء مرفوض
لان المشكله موش فى الوليه الى فى الاعلان
المشكله الاساسيه فينا
فا منقعدش نقضى على ظواهر المشكله
ونقعد نفرح ان احنا صلحنا المجتمع بالعنف وهوا لسه ماليان قاذورات
اوكيييز
في اعتقادي الشيء ده يرجع لثقافة الشخص نفسه..
أنا شفت دعاية موبينيل بتاعة ورانا ايه وكانها دعوة سافرة لقلة الأدب والانحراف.. بس مش دي حتكون طريقتي في التغيير..
يمكن الصورة دي بحد ذاتها مافيها اعلان سافر لكنها بتدل وتفكر الناس على الدعاية الاصلية اللي بتقول للعالم المكالمات بين الجنسين مافيها شي
ورانا ايه؟
يا عم شوفت واحد صايع بيكون وراة حاجة
اهى كدا بقت احلى
طيب دا اعلان عن شبكة محمول
ايه اللى يخليهم ينزلوا بصورة مى سليم اصلا
ما الاعلان كان فيه مليون واحد بيغنى
مفيش حاجة ماشية صح فى بلدنا من اولها لاخرها..عشان نيجى دلوقتى ونقول الصورة اتشوهت ليه!!!!!!!
لما نصلح من البداية هنعرف النتيجة دى وصلنالها ليه
شكرا
طيب كانوا يستنوني لما اشوفها بعد كده يشوهوها:)
وبعدين هيا مش اول مره يتحط صور اعلانات في الشارع لواحده بتعرض حاجه يعني وبعدين زي ماقالوا الصوره مكنش فيها حاجه وحشه او حاجه والاعلان ده احسن من غيره
بس اكيد يعني اللي عمل كده حد عضو في جماعه معينه يعني
بس بردو مكنش طريقه عشان يحل المشكله
من الاحسن انه يشيل البنر خالص يبقي احسن من النمظر ده
ههههههههه فعلا الصورة دي بتلفت انتباهي برضه كل يوم وانا راجعه م الكلية ..واستغربت انا وصحباتي مين يعني اللي متغاظ اوي من موبينيل عشان يعمل كده..وبعدين بصينا لاقينا باقي الاعلانات بتاعت الشركة محدش مقربلها..طب مي سليم يعني بالذات اللي مقصودة..برررضه اشمعني؟
عموما بعيدا عن موبينيل ولا مي سليم
اكيد صاحب الحركة دي ليه وجهه نظر..يمكن ماعرفش يبلغها بطريقه مناسبه تخلينا نتعاطف معاه ....ويمكن لو كان عمل كده ف كل اعلان فيه صورة بنت كان فهمنا ايه اسبابه بالظبط بدل ماحنا محتارين كده .....ويمكن برضه يكون بيستعبط ومش لاقي حاجه يعملها قال اما يلعب شوية
وعلي كل حال..ادينا بندردش..ورانا ايه ورانا ايه
هوا يمكن الصوره الوحيده في المنصوره علي مااعتقد لاني مشوفتش غيرها لمي سليم
بس هما موزعين كل اللي كانوا في الاغنيه
كل واحد في اعلان
لان علي طريق المنصوره الزقازيق
هتلاقي صوره لهيثم سعيد وواحده ليارا وايوان يعني مش مي سليم المقصوده بالصوره لوحدها
يعني اللي عمل كدا فكر بس ان دي واحدة المفروض تكون محتشمه .. مع أنها لابسه احسن من بنات كتير بنشوفهم ..ومش فكر انه بكده بيخسر ناس ملايين ..معلش بقى دا مش منطق ..اللي عمل كدا عمل بالظبط زي الناس اللي بتفجر اتوبيس فيه مسلمين وامريكان علشان يموتووا الامريكان :s
بجد مش عارفة ده صح ولا غلط واللى عمل كده لو شايف أنه ظهور البنات فى الأعلانات والأغانى غلط أكيد مش دى الطريقة اللى يعبر يها عن أعتراضة يعنى هو كده مثلا هيمنع الأغانى والأعلانات
ده أعتراض من حد بس أعتراض سلبى جدا
السلام عليكم
طيب ليه تشويه الصورة كده
وفى أقل من أسبوع
هو اى نعم انا مش متفقة معاهم وهما بيقولوا ورانا ايه
زى مايكون احنا فاضيين ومش ورانا حاجة خالص
ايه الناس ديه مش عارفة
فطبعا الشعب المصري بيحب يطبق كل حاجة بتتقال عليه حتى ان كانت مش فيه هيخليها فيه مخصوص
يعنى الشعب المصري قال هو احنا ورانا ايه
نقوم نبوظ ونشوف الاعلان المتعلق
ورانا ايه يعنى
تحياتى
توء توء توء
مي كده هتزعل مووت
يا اخي
ما اريد ان اقوله لك
هو دعوة صادقة من قلبي لك
جزاك الله خيرا
على طمسك لوجه الفتاة في اعلان موبينيل
ده اذا كنت انت اللي طمستها
اما اذا كان غيرك فبرضه جزاكم الله خيرا
===================
ده بالنسبة للصورة
==================
انما بالنسبة لشركة موبينيل
فبصراحة ساويرس مبقاض ملياردير كده الا من فلوسنا...لما الدقيقة كانت ب 2 جنيه الا ربع
وبعدين قعد ينزلها لجنيه ونص وهكذا
..بالاضافة الى كده
انا بفضل فودافون عنها..لان تغطية فودافون اكبر من موبينيل بكتير
واللي عايش في ارياف مصر هيعرف كده كويس اوي
والله المستعان
=============على فكرة
كان فيه صور لـ (روبي) في مدينة نصر كتير اوي..مش عارف في اعلان مشروب ساقع او الو
وبرضه حصل لها حاجة مشابهة
وواحد كتب على الصورة (حرام ) :)
دي أول زيارة ليا لمدونتك
الموضوع ده عجبني حبيت أعلق
في 3 عناصر ممكن يكونوا قاموا بتشوية الاعلان
الأول : شركة منافسة للشركة المعلنة
الثاني : فنانة منافسة للفنانة صاحبة الاعلان وغالباً مصرية ومبتحبش الغزو الفنى اللبناني والعربي
الثالث : واحد مش طايل واحدة في جمالها فبيفرغ الكبت بتاعه في تشويه صورتها ودول كتير بسبب ارتفاع مصاريف الزواج
خالص تحياتي
ياسر حسين
فنان كاريكاتير
مصري
هى جت على الصورة دى يعنى
فى مصر كان فى اعلانات زيها كتير حصلها نفس الموضوع
بس تقريبا كانو كاتبين كلام تحتها عن انه حرام ولا للمناظر دى..واشياء من هذا القبيل
شكله كدا فيروس منتشر فى الجو
تحياتى ليك ومبروك استوديو الصور
شكله برضه فيروس منتشر فى المدونات:)
انا شايفة ان الصورة مكنش فيها شئ مبتذل لكن فى ناس كدة دايما غاوية تشويه المناظر وهما معروفين .. طيب بيبصوا ليه ميخلوهم فى حالهم
ibn nasser - ابن ناصر :
تقريبا هيا جماعات دعوية
منورنا يا ابن ناصر و يا ريت نشوفك هنا على طول
واحـــد مـــــن الـنـــاس :
ايه يا عم انتا الحماس دا
يعنى تقول الكلمتين دول و بعدين تقول اشطة
ركز يا على
yamen :
والله انا شايف ان اللى عمل كدة عنده حق
وكما قال سيدنا محمد عليه الصلاة و السلام
" من رأى منكم منكرا فليغيره بيده فان لم يستطع فبلسانه فان لم يستطع بقلبه و هذا اضعف الايمان "
يعنى هوا قدر يغير اللى هوا شايف انه منكر
تحياتى لك
khaled :
ماليان قاذورات ايه بس يا خالد
لو حد من الحزب الحاكم سمعك دلوقتى يقول ايه
عايشين فى مزبلة مثلا
حسن الفاظك يا اخ خالد
تحياتى ليك يا افندم
هتلاقى اللى عمل كده أحد عملاء فودافون
اقتلوووووووووووووووووه
انا شوفت الصورة يا ريس
موجود ناحية تقاطع شارع الترعة مع شارع جيهان
أو قبل استاد الجامعة بشوية
فى المنصورة
وتحيا مصر يا سيدى
هههههههههههه... اقولك اللى عمل كده كان لسه شايف كينج كونج 2 ههههههههه بجد دقق فى الصوره تانى وهتشوف
وبعدين اللى عمل كده لوقاصد يعنى انه ضد العرى كان اولى يغطى جسمها مش وشها .. ده عمل العكس.. غطى الوجه والكفين ههههههههههههههههه
ياعم بكل بساطه هو حل من الاتنين يالاول شباب بتروش ياجماعه المتدينين كل مابيتعلق اعلان بيعملوا كدا تعالي شوف عندنا في الهرم عملين ايه
هى
مى سليم
كانت واقفة و قفة وحشة
؟؟؟؟؟؟
ههههههههههه على فكره انا شفتها بردو من زمان واستغربت قولت هو حصل حريقه هناك ولا ايه ههههههههه بس كويس انك خت بالك هههههه اصل انا فكرت انى انا بس الى شفتها
يا علي :D اكيد اكيد هما كانوا بيعملوا تغطية للشبكة مش موبينيل 99 في الميه
يا علي :D اكيد اكيد هما كانوا بيعملوا تغطية للشبكة مش موبينيل 99 في الميه
انا مش عارفة اقول ايه الصراحة
بس انا لو شفت هنا حد عمل كدة في صورة هاعرف برضه انه يا انما
حد مبيحبش مي سليم
حد قرفان من موبينيل و شبكتها الساقطة علي طول
ناس متدينين مثلا و بيعملوا خير
بس ماهو في بنات كتير كدة هيعملوا فيهم ايه ؟
هيرموهم بمية نار علي وشهم ؟؟
انا بيتهياللي ان اكيد فيه اسلوب احسن من كدة
و شكرا علي الصور الجميلة اللي انت مغرقنا بيها
اولا اهنيكوا على المدونه
انا رأى الصوره اسم على مسمى اسمها بس بدل تغطية الشبكة بيغطوا الاعلان
:)تحياتى
Post a Comment