يبقى انتا اكيد ..اكيد في مصر
شوفو الصور دى
::
شارع فى محافظة من محافظات مصر
محطوط على اوله يافطة ممنوع الدخول
..
لكن ازاااااااااى بقى؟؟
فى الصورة اللى بعدها شايفين عربية داخلة من الشارع
..
على فكرة
عشان اصور الصورة دى
الاول شفت مكتوب ممنوع الدخول قلت اكييييييد فى عربية هتدخل
وقفت شوية مفيش عربيات دخلت
استغربت اوى
قلت ايه دا
الناس بقو بيحترمو قواعد المرور
((استغفر الله العظيم ))
و انا لسه جاي امشي لقيت عربية داخلة الشارع
شتمت نفسي ميت مرة .
المهم
جيت اليوم اللى بعديه قلت لازم اصور بقى عربية و هيا داخلة الشارع دا
و فعلا لقيت عربية داخلة الشارع
اسيبكو مع الصورتين
وتذكر عزيزي المواطن
انتا دائما في القلب
14 comments:
يا عم ما انا قلتلك
هو فهم ان المقصود
ممنوع الدخول في اليافطة
:)
والله هو ده حال بلدنا
اصلا هم المصريين كده ولو اتغيروا ما يبقوش مصريين
هى دى مصر يا عبله
المصريين اهم
متبقاش مصر لو محصلش مخالفات
عموما
تحيا مصر
هوه تلاقيه معرفش يقرأ اليفطه مقولنا ميت مره نروح فصول محو الأميه
ههههههههه
ازاى تتخيل ان محدش كان هايدخل أنا لو كنت موجوده كنت دخلت على الأقل عشان أعرف هوه ممنوع ليه
بس تفتكر لو رسمه جمجمه وكتبوا خطر ممكن حد يدخل برده؟
نفسى اعلق بس مش عايزه افتح فى الكلام عشان لو اتكلمت هيبقى كلام معاد ومتكرر بس كل الى هقوله الفوضى بقت اساس حياتنا
بس ده العادى فى مصر بتاعنا
شعب مصرى صحيح
يااااه..... هى دى اللى مزعلاكم... ده كده حلو قوى... لو جت على كده بس يبقى تمام.... امال ايه رأيكم فى العربيه اللى تكسر اشاره المرور... معلنا انه بيموت فى اللون الاحمر... ومش بس كده .. بيكسر الاشاره وعسكرى المرور واقف... ومش كده بس برضه.. بيحط فى ايده سيجاره او كام جنيه عشان يحايله وهو بيكسر الاشاره.. انت ظلمت اللى بيسوق العربيه.. لان فى عز البلاوى اللى احنا فيها.. والناس اللى مش لاقيه لقمه عيش تاكلها... والظلم اللى سايد يوم بعد يوم.. والراجل بيسوق وبيحارب عشان لقمه العيش... اكيد مش هيشوف اليافطه.. كويس قوى انه شاف الطريق قدامه.. بما تبقى له من نظر.. الموضوع اكبر من مجرد يافطه.. المفروض مالومش الناس .. قبل ما الوم النظام اللى احنا عايشين فيه من الاصل
تحياتى
السلام عليكم.......عندى موضوع مهم لازم تشاركونى فيه ضرورى
اى خدمة ياعم
احنا شعب الجبارين ؟
انت فين من زمان؟؟؟؟؟؟؟؟؟
انتو معايا يا جماعة ان البلوج ده بقى مهجور ..... زى ما يكونوا صحابه تاهو .. او البلوج تاه منهم الله اعلم ... مع ان ياخساره .. كان بلوج ظريف
يارب ترجع البلوجات لصحابها
دنيا مالهاش امان
يا اخواننا احنا موجودين والله
بس كل واحد له ظروفه والله
وصدقونا هنرجع تاني
ان شاء الله
وشاكرين جدا جدا على مروركم وتعليقكم في البلوج
اللي مماتش ولا اصحابه تاهو
واللي هيشعلل اكتر ان شاء الله :]
لما نشوف
Post a Comment